apai sali ngabas bubu

01/08

bisi dulu keliyak munyak siko mensia ka di kelala sida serumah ya engau nama apai sali. lalu ya tok bisi siko anak benama sali, lalu bini ya benama encelegit. baka selama sigi pengidup orang rumah panjai, tumu pagi nurun ke tanah ngigak pemakai. nyadi sari nyak apai sali engau anak ya sali nurun ke tanah, agi langkau umai sida ya. nyadi pagi nyak seduai ya menyanak ka ngetan bubu ba ulu sungai. udah semua utai di bai seduai ya, nyak meh seduai ya lalu bekejang ngetan bubu ba ulu sungai. udah bubu seduai ya di tan ba ulu sungai, diak meh seduai ya lalu mupuk pulai ke rumah. seduai ya bejalai nujah babas, dia seduai ya menyanak matah daun getah engai nagbas panjuk ka di tan apai sali sari sebedau nyak. tang nangka meh pengasa atai seduai ya menyanak, laban panjuk nyak nadai bulih. jenak nyak tadi seduai ya pin nungkah bejalai pulai, mina ngemai daun getah engau daun empasak ka dikelauk makai malam. ari pin bekalih ke lemai. diak apai sali engau anak ya pin datai di rumah panjai endur sida ya diau. penatai seduai ya menyanak alu di sambut bini ya. jenak diak bini apai sali lalu nanyak ka penyampau utai ke di ulih seduai ya sari nyak tadi. engau lembau nyawa apai sali nebut agi bini ya, mina ngemai daun getah engau daun empasak ka kelauk sida ya malam tok legi. enda mayoh jako, bini apai sali lalu mandok daun nyak, laban ari nyau makin jauh lemai. udah semua utai dipakai nyak mansau, lalu sida ya makai. taja pin belauk ka daun getah engau daun empasak ajak, tang sida ya menyanak kenyang amai lemai nyak. lalu udah nyak sida ya sidak ya sebilik pun belabuh ka tindok, laban ngenang ka diri dani tumu pegilak ka ngabas bubu. jenak diak manuk pin engkukok, madah ka ari udah siang. baka selama apai sali engau anak ya nurun ka ngabas bubu ka di tan seduai ya kemarik.






besambung.........